Danzando coas danzantes,

as que non poden darlle mais lume á cacharela
Botamos en falta o fío que une os bailes

parece que rompe,

que escacharon os berces 

e as mazás que non comimos 

Libres de ser confinadas 

e coa dozura da libélula 

A tatuaxe que xa non carga 

E non é vicio, 

é o voo da primeira aventura sen pandemia. 

Imos darlle a volta ao conto. 

Só por estar tranquilas 

Un para arriba 

Outra para abaixo 

Ao longo da vida tamén hai sobresaltos 

E que indecisas nos volveu Apple 

Un pouquiño máis de fariña 

que vou facer tantas empanadas coma me den os ollos
para ver, que inda que os coches choquen, 

as mans inda se van movendo

para tocar o mundo.