XVI

Obradoiros, xantares, obras teatrais, noites, proxeccións de filmes, ocupacións, traballo en grupo, asembleas, foliadas, espectáculos, concertos, bailes, timbas poéticas.

Momentos nos que o povo sinte, comparte e manifesta.

Momentos que se ven truncados por politicuchos que non foron convidados ás nosas festas.

Maleantes e suxos.

Envexosos e painocos por defecto.

Vínganse con policías que nos feran e nos traten como míseros bonecos.

Mais con dor nas nosas frontes e tremor nos nosos xeonllos,

Dirémoslles con honra que a loita continúa.

Que somos máis ca vós!

Que somos mellores en calidade e se me apuras tamén en sexualidade.

Coa esquerda, rebelión.

Coa dereita, coalición.

Con dramas familiares, con máis alcohol nas veas que sangue.

Mais con forza

E con aires, con moitos aires.

Venceremos.